"№3 Күршім гимназиясы" КММ директоры Ж.Нуриманов тыл ардагері Бакотова Бишон әжейді құттықтады

Кез-келген істің, қандай күрестің де басты мақсаты жеңіске жету.Ұлы Отан соғысындағы үлкен жеңістің орны айрықша бөлек. Оған жету үшін қаншама халық жан алып, жан беріскен шайқастарға толы ұзақ та ауыр жолдан өтіп келді. Зарықтырып, сағынтып жеткен Жеңісті жақындата түсуге майданның алдыңғы шебінде от пен оқтың ортасында болған майдангерлермен бірге тыл еңбеккерлері де орасан үлес қосты.

Ұлы Жеңіс мерекесі қарсаңында Күршім ауданының әкімі Д.Қажановтың тыл ардагерлеріне арнаған Құттықтау хатын "№3 Күршім гимназиясы" КММ директоры Ж.Нуриманов тыл ардагері Бакотова Бишон әжейге табыстады. Әжейге тіршіліктің ұзақ та жарқын алаңсыз күндерін, жақын жандардың қамқорлығы мен ықыласын тіледі.