12
июнь
2019
"Болашақ жастардыкі" мектеп бітіру кеші
2019 ж 12 маусым күні сағ 18.00-де №3 Күршім гимназиясында мектеп бітіру іс-шарасы болып өтті. Бұл әр түлек өмірінде адамгершілік, қайырымдылық және алғыс білдіру сабағы, өзінідік есею жолына бастау алатын мектептегі соңғы іс-шара. Мерекелік іс-шара ұйымдасқан түрде өтіп, мектеп түлегінің имиджі арта отырып, шара барысында «Қазақстанның болашағы-білімді ұрпақ» ұстанымы насихатталды.
2018-2019 оқу жылында №3 Күршім гимназиясын 39 түлек аяқтап, оның 12 «Алтын белгі», 8 «Үздік аттестат» иегерлері болды.Іс-шараның шымылдығын құттықтау сөзімен гимназия директоры Гүлнар Сабырқызы ашты. Кешіміздің құрметті қонақтары: «Нұр Отан» партиясы Күршім аудандық филиалы төрағасының бірінші орынбасары Қалелеов Мамырбек Жәлімханұлы аудан әкімі Д.З.Қажановтың құттықтау тілегін жеткізіп «Алтын белгі» иегерлеріне төс белгі табыстаса, аудандық Білім бөлімі кәсіподақ ұйымының төрағасы Қосамбеков Әуесбек Қосамбекұлы білімді ұрпақ идеясын насихаттап, «Үздік аттестат» иегерлерін құттықтап, құжаттарын табыстады.
Құрметті жас түлектер! Алда үлкен сынақ – ұлттық бірыңғай тестілеу тұр. Осы сыннан сүрінбей өтіп, өмірден өз орындарыңызды таба біліңіздер. Өйткені еліміздің болашағы сіздердің қолдарыңызда деп білеміз. Мектеп өмірі артта қалды, алдыңда күтіп тұрған жаңа өмірдің баспалдақтарынан сүрінбей өтулеріңізге тілектеспіз! Ақ жол саған, жас түлек!