Көшет отырғызу акциясы

Жер тоңы жібіп, алғашқы көк дүркіреп шыға бастаған кезде шыбық қадап, тал отырғызу – сауапты іс. Өйткені, жерге шаншылған әрбір тал күтімі жақсы болса, күні ертең жапырағы дараққа айналып, жазда сая, қыста қамсау болады. Әрі экологиялық ахуалды жақсартып, қоңыржай климат қалыптастыруға әсерін тигізеді. «Бұтақ жайған ағаш қартаймайды, ұрпақ жайған адам қартаймайды» дейді. Соңғы кездері тал егу дәстүрі еліміздің түкпір-түкпірінде қолға алынып, тиянақты мән берілуде. Мұның өзі қоғамға пайдасы зор игі бастама. Көшет отырғызу акциясы гимназияда бір мезгілде басталды. «Ұяда не көрсең, ұшқанда соны ілесің» демекші, білім ұясымен биыл қоштасатын шәкірттер бір-бір ағаш көшетін әкеліп, мектеп ауласына отырғызды. Игі шараға мектеп директоры, бітіруші түлектердің сынып жетекшілері қатысып, көшет отырғызуға өз үлестерін қосты. @aia_soltan @kurchumbilimbolimi