Бет перде таратылды

Елімізде коронавирус пандемияcы 13 наурызда Нұр-Сұлтан және Алматы қалаларында бұл індетті жұқтырған адамдар анықталған сәттен бастау алды. 3 сәуірге дейін COVID-19 елдің барлық аймағына таралып үлгеріп, елімізде төтенше жағдай жарияланған болатын. Жағдай сәл тұрақтала бастаған соң 2020-2021 жаңа оқу жылында мектептерде кезекші сыныптар ашылды. Індеттің таралмауы үшін әрқайсымыз азаматтық жауапкершілік танытуымыз қажет. Осыған орай жергілікті бюджеттен қаржы қарастырылып, аудан мектептері медициналық жабдықтар және бет перделермен қамтамасыз етілді. №3 Күршім гимназиясында кезекші сынып оқушылары мен ұстаздарына, мектеп әкімшілігі мен қызметкерлеріне медициналық бет перде таратылып берілді.Сақтық шараларын күшейтіп, бет перде режимін және санитарлық тазалықты қатаң сақтағанда ғана нәтиже болатындығын естен шығармауымыз керек.